له‌ماوه‌ى چه‌ند مانگى رابردوو نزیكه‌ (25000)هه‌زار دارمان له‌ شارى هه‌ولێر چاندووه‌

ئا: بۆتان نه‌جات

ئه‌و به‌رێوه‌به‌رایه‌تیه‌ى كه‌ تایبه‌ته‌ به‌ چاودێری كردنى پارك و باخچه‌كانى پایته‌خت، له‌ مانگى (3/2005) له‌ژێر ناوى به‌رِێوبه‌رایه‌تى گشتى ئه‌ندازه‌ى پاركه‌كانى پایته‌خت، كه‌ به‌پێ ى رێنمایه‌كانى سه‌رۆكى حكومه‌ت دامه‌زراوه‌، تا ئێستا چه‌ند پارك و باخچه‌یان له‌ ناو شار و ده‌ورووبه‌رى دروستكردوه‌، له‌ دیدارێكی تایبه‌تدا به‌رێوه‌به‌رى گشتى ئه‌ندازه‌ى پاركه‌كانى پایته‌خت زانیارى زیاترى خسته‌ روو.

رۆژنامه‌ی هه‌ولێر : ماكوان عزه‌ت
به‌رِێوه‌به‌رایه‌تی ئه‌ندازه‌ی پاركه‌كان له‌ هه‌ولێر، له‌ سه‌ره‌تای دروستبوونییه‌وه‌، رۆڵێكی به‌رچاوی هه‌بووه‌ له‌ پاكرِاگرتنی ژینگه‌ و چاندنی نه‌مامی جۆراوجۆر و جوانكاریی له‌ پایته‌ختدا. هاوكات توانیویانه‌ به‌ ده‌یان باخچه‌ له‌ ناو شاری هه‌ولێر دروست بكه‌ن و نۆژه‌نی بكه‌نه‌وه‌ و، چه‌ندین پاركی گه‌وره‌یان دروست كردووه‌ و له‌ هه‌مان كاتیشدا ئه‌ركی پاراستنی دره‌خته‌كانیشیان له‌ ئه‌ستۆیه‌. به‌ مه‌به‌ستی ورده‌كاری زیاتر له‌مه‌رِ هه‌ندێك له‌و پرۆژانه‌، به‌رِێوه‌به‌ری ئه‌ندازه‌ی پاركه‌كان (نه‌وزاد ئه‌دهه‌م به‌رزنجی) تیشكی خسته‌ سه‌ر ئه‌و كار و پرۆژانه‌ی كه‌ له‌ ماوه‌ی ئه‌م چه‌ند ساڵه‌ی رِابردوودا ئه‌نجامیان داوه‌...

راپۆرت / فاتیح به‌رزنجى

پرۆژه‌كانى پایته‌خت رۆژانه‌ له‌زیاد بووندایه‌ له‌ پێناو زیاتر جوانكارى و رِازاندنه‌وه‌و سیماى گه‌شى شارستانى به‌شارى هه‌ولێرو له‌و رۆژانه‌ى دواییدا به‌بۆنه‌ى 14/3 ساڵیادى له‌دایك بوونى باوكى نه‌ته‌وه‌ى كورد بارزانى نه‌مر له‌شارى هه‌ولێر ژماره‌یه‌ك پرۆژه‌ كرایه‌وه‌ و بووه‌ مایه‌ى خۆشحاڵى هاووڵاتیان بۆ ئه‌و مه‌به‌سته‌ رِاو سه‌رنجى چه‌ند هاووڵاتیه‌كمان وه‌رگرت : ...

ڕاپۆرت : فاتیح به‌رزنجی

دوێنێ 14/3/2008 به‌بۆنه‌ی ساڵیادی له دایكبوونی باوكی نه‌ته‌وه‌ی كورد بارزانی نه‌مر له‌ ڕێووڕه‌سمێك شایسته‌و شكۆداردا به‌ ئاماده‌بوونی پارێزگاری هه‌ولێرو به‌رپرسی لقی دووی پارتی دیموكراتی كوردستان و هه‌ریه‌كه‌ له‌سه‌رۆكی شاره‌وانی هه‌ولێرو سه‌رۆكی ئه‌نجومه‌نی پارێزگای هه‌ولێرو ژماره‌یه‌ك له‌ئه‌ندامان و به‌رێوه‌به‌ری شاره‌وانی یه‌ك و شه‌ش ژماره‌یه‌كی به‌رچاو له‌فه‌رمانبه‌ران به‌سه‌رپه‌رشتی به‌رێوه‌به‌رایه‌تی ئه‌ندازه‌ی پاركه‌كان هه‌ڵمه‌تێكی فراوانی دارچاندن له‌شه‌قامی چوار ڕیانی نه‌ورۆز ده‌ستی پێكرد بۆ رازاندنه‌وه‌ی سیمای شه‌قامه‌كانی شاری هه‌ولێر . سه‌باره‌ت به‌و یاده‌ هه‌ریه‌كه‌ له‌پارێزگاری هه‌ولێر به‌رپرسی لقی دوو بۆ ده‌زگاكانی راگه‌یاندن دواند،نه‌وزاد هادی پارێزگاری هه‌ولێر ووتی: ...

رۆژنامه‌ى میدیا - هه‌ولێر

به‌رێوه‌به‌رى ئه‌ندازه‌ى پاركه‌كانى هه‌ولێر گوتى ، پرۆژه‌ى جوانكارى شه‌قامى 60 مه‌ترى شارى هه‌ولێر 72 ملیۆن دینارى تێده‌چێت و راشى گه‌یاند " بیست و یه‌ك جۆر دار له‌و شه‌قامه‌ ده‌چێندرێت ، كه‌سه‌رجه‌میان له‌گه‌ڵ كه‌ش و هه‌واى كوردستان ده‌گونجێت " شه‌قامی بازنه‌یى 60 مه‌ترى ، كه‌ درێژیه‌كه‌ى 10 كیلۆمه‌تره‌ ، یه‌كێكه‌ له‌شه‌قامه‌ سه‌ره‌كیه‌كانى شارى هه‌ولێر ، ئه‌و شه‌قامه‌یه‌ یه‌كێك بوو له‌و پرۆژانه‌ى كه‌ له‌ لایه‌ن رێكخراوى وه‌زاره‌تى ئاوه‌دانكردنه‌وه‌ى عێراق ، له‌ ساڵى 1964 ده‌ست به‌ دروست كردنى كراو ، له‌ ساڵى 1970 ته‌واو بوو ، سه‌ره‌تا شه‌قامه‌كه‌ ناونرا (شارع نێر الستینی) ، به‌لاَم دواى به‌یاننامه‌ى 11 ئادارى 1970 ، ناونرا شه‌قامى كوردستان .