هه‌فته‌نامه‌ی بارزان : شوان سدیق

باغی شاری هه‌ولێر كه‌وتوه‌ته‌ ناوه‌ندی بازاری شارو مێژووی دروستكردنی ئه‌م باخچه‌یه‌ ده‌گه‌رێته‌وه‌ بۆ سه‌ره‌تاكانی ساڵی 1937 له‌و كاته‌وه‌ تا ئێستا باغێكی گشتی بووه‌ و هه‌موو كه‌سێك بۆی هه‌بووه‌ بۆ ساتێكیش بێت پیاسه‌ و كاته‌كانی خۆی تیا به‌سه‌ر ببات ماوه‌ی چه‌ند هه‌فته‌یه‌ك له‌لایه‌ن پارێزگای هه‌ولێر كرداری نۆژه‌نكردنه‌وه‌ی ته‌واو بووه‌ ، به‌ڵام تا ئێستا جیاوزتره‌و باخچه‌كه‌ ته‌نیا ته‌رخان كراوه‌ بۆ خانه‌نیشان ، هه‌رگه‌نجێكیش بیه‌وێت بڕواته‌ ناو باخچه‌كه‌وه‌ رێگای پێنادرێت له‌ كاتی ئاماده‌كردنی رێپۆرتاژه‌كه‌مان چه‌ند گه‌نجێك نیازیان هه‌بووه‌ برۆنه‌ ژووره‌وه‌ به‌ڵام پۆلیسی به‌رده‌رگاكه‌ داوای لێبوردنی كرد گوتی : بریارمان بۆ هاتووه‌ كه‌ لێنه‌گه‌ڕێین گه‌نج بڕواته‌ ژووره‌وه‌ ، گۆڤه‌ند ره‌مزی : ئاوه‌دانكردنه‌وه‌ی باخچه‌كه‌ی پێباشه‌و به‌ كارێكی پیرۆزی ده‌زانێت ، به‌ڵام وه‌كو گه‌نجێك ره‌خنه‌ی له‌ لایه‌نی په‌یوه‌ندی دار گرت و پێی وایه‌ ئه‌و باخچه‌یه‌ بۆ هه‌مووان بوایه‌ باشتره‌ نه‌ك ته‌نیا بۆ چینێكی دیاریكراو ، چونكه‌ شوێنه‌كه‌ی كه‌وتوه‌ته‌ نێوبازارو خه‌ڵكیش زۆرجار بێزارده‌بێت و حه‌زده‌كات له‌باخچه‌یه‌كی ئاوادا كه‌مێك بحه‌سێته‌وه‌ ، گۆڤه‌ند ده‌لێت : من ئه‌مرۆ رۆیشتمه‌ به‌رده‌رگای ئه‌و باخچه‌یه‌ ، به‌ڵام پۆلیس رێگای لێگرتم و گوتی خۆتۆ خانه‌نشین نیت ، ئیتر له‌دوای ئه‌وه‌ زۆر بێتاقه‌ت بووم و گوتم باشه‌ نایه‌مه‌وه‌ تا خانه‌نشین نه‌كرێم ، ناوبراو پێی باشه‌ ده‌سه‌ڵات زیاتر بایه‌خ به‌ گه‌نجان بدات نه‌ك به‌و شێوه یه‌ دوور دۆست بێبه‌شیان بكات . ....

ئا : دیار عه‌زیز مسته‌فا

له‌ زۆربه‌ى شاره‌كانى جیهان پارك و باخچه‌كان تا به‌یانى كراوه‌ن وه‌ خه‌ڵكى گوزه‌رى تیا ده‌كه‌ن دانیشتووى شارى هه‌ولێریش له‌ باره‌ى پاركه‌كانیانه‌وه‌ راى جیاوازیان هه‌یه‌ به‌لاَم له‌ هه‌مانكاتدا به‌ پێویستى ده‌زانن پاركه‌كان بكرێته‌وه‌ وه‌ك هاولاَتیه‌ك ئاماژه‌ به‌وه‌ ده‌دات كه‌ پاركه‌كان بكرێته‌وه‌ ، به‌لاَم به‌و مانایه‌ش نایه‌ت ئێمه‌ مه‌جال بده‌ین هه‌موو خراپه‌كارى و گوناهێك بكرێت ، چونكه‌ هه‌موومان ده‌زانین وا به‌و رۆژه‌ چه‌ند كورو كچ له‌وىَ یه‌كتر ماچ ده‌كه‌ن ، جاشه‌و بێت ده‌بىَ چى روو بدات ، هاوكات به‌رێوه‌به‌رى ئه‌ندازه‌ى پاركه‌كان هه‌ولێریش گوتى : "دووپاتى ده‌كه‌مه‌وه‌ كه‌ داواكاریه‌كه‌ زۆر ئاساییه‌ ، به‌لاَم له‌و قۆناغه‌دا ناتوانین ئه‌وه‌ بكه‌ین " ......

بڵاوكراوه‌ی پرس : سه‌نگه‌ر حوسێن

ئه‌و باخچه‌یه‌ى ده‌كه‌وێته‌ سه‌نته‌رى شارو به‌رامبه‌ر بازارِى نیشتمانه‌ شوێنێك بوو پێشوتر ماندووبون و هیلاكى خه‌ڵكى كاسبكارو بىَ تاقه‌تى و مه‌شغولى خه‌لكى دیكه‌ى ده‌رِه‌واندنه‌وه‌ ، ماوه‌یه‌ك داخرا پاشان هه‌ڵمه‌تى نۆژه‌نكردنه‌وه‌ى به‌خۆوه‌ بینى و ئێستا بۆته‌ جێگاو سیمایه‌كى سه‌رنج راكێشى ئه‌و گۆره‌پانه‌ ، به‌لاَم لێره‌دا كێشه‌یه‌ك درووستبوه‌ ئه‌ویش ئه‌وه‌یه‌ كه‌ برِیاردراوه‌ ته‌نیا بۆ مامۆستایان و خانه‌نیشان ئه‌وىَ نۆژه‌نكراوه‌ته‌وه‌ ، دیاره‌ ئه‌و كه‌سانه‌ى پێشتر له‌ باغى شاردا هه‌ناسه‌یه‌كى پشویان ده‌دا ئه‌مرۆ گله‌یى ده‌كه‌ن و ده‌ڵێن بۆ ده‌بێت ئه‌و شوێنه‌ گشتى یه‌ تایبه‌ت بكرێت به‌ توێژێكى دیاریكراو ، بابزانین له‌و رِووه‌وه‌ چى باسه‌و خه‌ڵك چى ده‌ڵێت .......

خه‌بات / فاتیح به‌رزنجی

له‌ماوه‌ی چه‌ندین ساڵی رابردوودا له‌لایه‌ن به‌رێوه‌به‌رایه‌تی ئه‌ندازه‌ی پاركه‌كان ده‌یان باخچه‌و پاركی شارستانی له‌ناو گه‌ره‌كه‌كانی پایته‌ختدا دروست كران و سیمای گه‌ره‌كه‌كانی گۆری و جوانكاری به‌شاری هه‌ولێر به‌خشی و له‌به‌رنامه‌دایه‌ هێشتا پرۆژه‌ی دیكه‌ له‌ دروستكردنی پارك و باخچه‌و هێنانی كه‌ل و په‌لی یاری منداڵان و وه‌رزش بۆ ئه‌و پاركانه‌ دابین بكات سه‌باره‌ت به‌ نه‌خشه‌و پلانی ئه‌مساڵیان سه‌ردانمان كردن له‌م باره‌یه‌وه‌ ئه‌ندازیار نه‌وزاد ئه‌دهه‌م به‌رزنجی به‌رێوه‌به‌ری ئه‌ندازه‌ی پاركه‌كان روونی كرده‌وه‌ ......

به‌هادین سابیر

سه‌رجه‌م گۆرستانه‌كانى هه‌ولێر به‌په‌رژین و شیش دیواریان بۆ دروست ده‌كرێت و پاكده‌كرێنه‌وه‌و گوڵ و داریان تێدا ده‌نێژرێت .

نه‌وزاد ئه‌دهه‌م به‌رێوه‌به‌رى ئه‌ندازه‌ى پاركه‌كانى هه‌ولێر ، پێیراگه‌یاندین : گۆرستانه‌كانى هه‌ولێر پێشتر هیچ گرنگیه‌كیان پێنه‌دراوه‌ ، له‌ ئێستادا وه‌ك قۆناغى یه‌كه‌م هه‌ڵمه‌تى چاككردنه‌وه‌ى سه‌رجه‌م دیوارى گۆرستانه‌كانى هه‌ولێر ئه‌نجامده‌ده‌ن و ئه‌و په‌رژین و دیواره‌ كۆنانه‌ لاده‌به‌ن و په‌رژینێكى شێوه‌ محاجه‌ره‌ى بۆ داده‌نێن و نه‌مامیش له‌ده‌وروبه‌رى ده‌نێژن ، وتیشى : له‌ قۆناغى دووه‌مدا ناو گۆرستانه‌كان پاكده‌كه‌ینه‌وه‌و گوڵ و دارى زیاتر ده‌چێنین هه‌ڵمه‌ته‌كه‌ش سه‌رجه‌م گۆرستانه‌كان ده‌گرێته‌وه‌ .

راپۆرتی: دیار عەزیز مستەفا

 كوردستان راپۆرت: ئەگەر باس لەو پڕۆژە جوانكارییانەی ساڵی رابردوو بكەی كە جێبەجێكران ؟

نەوزاد ئەدهەم: لە ساڵی رابردوو نزیكەی (16) پڕۆژە جێبەجێ كرا، ئەوانیش هەمووی لە سەر بودجەی پەرەپێدانی پارێزگای هەولێر بوو، هەروەها (3) نافورەشمان دروستكرد كە ئەوانیش (نافورەی سەواف، نافورەی چوارڕیانی موسڵ، نافورەی ئاشتی) بوو، هاوكات چەندین باخچە ونافورە دورستكرا وەكو ئەوەی پێش وەزارەتی خوێندنی باڵا و چوارڕیانی كاكە زیاد، ئێمە هەوڵ دەدەین لە سەر رێگا گشتییەكان لەگەڵ باخچە نافورەیەكیش دروست بكەین، چونكە شاری هەولێر تاڕادەیەك لە بواری ئاو هەژارە بە هۆی ئەوەی رووبار و دەریامان نییە، بۆیە هاووڵاتییان حەز بە بوونی نافورە دەكەن، ئێمە لە هەر نافوریەكی تازە كە دروستی دەكەین هەوڵ دەدەین دیزاینێكی تازە لەگەڵ كۆنەكە تێكەڵ نەبێ، ئەوە جگە لەوەی پڕۆژەكان هەر ئەوە نییە كە باخچەیەك لە شوێنێك دروست بكرێ و تەواو.....

به‌رنامه‌ى تیشك: رادیۆى نه‌ورۆز

به‌رنامه‌ى ئه‌م جاره‌ى تیشك ده‌خه‌ینه‌ سه‌ر ئه‌و پارك و باخچانه‌ى كه‌ له‌ ناو شارى هه‌ولێر و ده‌وروبه‌رى هه‌یه‌، رۆژانه‌ تیمه‌كانى به‌رێوه‌به‌رایه‌تى ئه‌ندازه‌ى پاركه‌كان سه‌ر قاڵن به‌ دروستكردنى پارك و خزمه‌ت كردنى ئه‌م پاركانه‌، له‌ پێناو زیاتر گرنگى دان به‌ به‌ ژینگه‌ى شارى هه‌ولێر و پاك و خاوێن راگرتنى شارى هه‌ولێر و پاك بوونى هه‌واى شارى هه‌ولێر.

بۆ ئه‌م مه‌به‌سته‌ ئه‌مرۆ میواندارى به‌رێز (نه‌وزاد ئه‌دهه‌م به‌رزنجى) به‌رێوه‌به‌رى ئه‌ندازه‌ى پاركه‌كان ده‌كه‌ین:...

خه‌بات : فاتیح به‌رزنجى

له‌ماوه‌ى ئه‌وچه‌ند سالاَنه‌ى دواییدا له‌پایته‌خت ده‌یان پارك و باخچه‌ى شارستانى دروست كراون به‌سه‌رپه‌رشتى به‌رێوه‌به‌رایه‌تى ئه‌ندازه‌ى پاركه‌كان ، بێگومان ئه‌و پارك و باخچانه‌ش سیمایه‌كى گه‌شى به‌شارى هه‌ولێر به‌خشیوه‌ جگه‌ له‌وه‌ش توانراوه‌ باخچه‌كۆنه‌كانى شارى هه‌ولێر گرنگى پێبدرێت و نۆژه‌ن بكرێته‌وه‌ ،یه‌كێك له‌و باخچه‌ كۆنانه‌ى كه‌له‌شارى هه‌ولێردا به‌رچاو ده‌كه‌وێت و كه‌وتۆته‌ ناوجه‌رگه‌ى بازارو ماوه‌ى چه‌ندین ساڵ بوو ئه‌و باخچه‌یه‌ فه‌رامۆش كرابوو باغى شار ،ئه‌وه‌بو وه‌كو به‌خشیشك بۆ مامۆستایانى خانه‌نشینى شارى هه‌ولێر پارێزگارى هه‌ولێر برِیارى نۆژه‌نكردنه‌وه‌ى (باغى شار) دا له‌رِێورِه‌سمه‌كى شایسته‌دا و ئه‌و باخچه‌یه‌ كرایه‌وه‌ كه‌ به‌شێوه‌یه‌كى ئه‌ندازه‌یى نۆژه‌نكراوه‌ته‌وه‌ .....